මෙරටින් වාර්ෂිකව නව පිළිකා රෝගීන් 33 000 කට ආසන්න ප්‍රමාණයක් හදුනා ගෙන ඇති බවත් වසරකට පිළිකා නිසා 19 000 පමණ මිය යන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා මහතා පැවසීය.
ලෝක සෞඛ්‍ය සංවිධානයේ නියෝජතියන් කොළඹ සෞඛ්‍ය අමාත්‍යාංශයේ දී හමු වූ අවස්ථාවේ දී ඒ මහතා එසේ පැවසීය.
ලංකාවේ පිළිකා රෝගින් අතර බහුතරයක් මුඛ පිළිකා සහිත පිරිමි පාර්ශ්වය වන බවත් ද ඇමතිවරයා පැවසීය.
කාන්තාවන් අතර පියයුරු පිළිකාව ප්‍රධාන තැනක් ගන්නා බව ද ඔහු කීය.
මෙරට සෞඛ්‍ය සේවා ව මුහුණ දෙනු ලබන ප්‍රධාන අභියෝග අතර පිළිකා රෝගී ප්‍රතිකාර සේවාවන් ද මූලික වන බව ද පැවසීය.
එම විශේෂඥ කණ්ඩායම පිළිකා රෝගය ව්‍යාප්තිය පාලනය හා වැළැක්වීම සඳහා ගත යුතු ඉදිරි සැලසුම් සහ යෝජනා පිළිබඳව අමාත්‍යවරයා දැනුවත් කිරීමට මෙහි දී පියවර ගනු ලැබී ය.
ගැබ් ගෙල පිළිකා තුරන් කිරීම සඳහා මාත්‍රා දෙකකින් කාන්තාවන්ට පමණක් ලබා දෙනු ලබන එන්නත තනි මාත්‍රාවක් බැගින් කාන්තා සහ පිරිමි දෙපාර්ශ්වයට ම ලබා දීම ඉදිරියේ දි සිදු කරන බව ද ඇමතිවරයා කීය.
ජාතික පිළිකා මර්දන වැඩසටහන විධිමත් කිරීම සහ ශක්තිමත් කිරීම ඖෂධ සහ ඊට අදාළ ප්‍රතිකාර සේවාවන් ශක්තිමත් කිරීම 2025-2035 ජාතික සෞඛ්‍ය උපායමාර්ගික ප්‍රධාන සැලැස්මට පිළිකා මර්දන වැඩසටහන ද බලාත්මක කිරීමට පියවර ගන්නා බව ද ඇමතිවරයා ප්‍රකාශ කළේය.
