கண்டி தேசிய மருத்துவமனையின் 04 முக்கிய அபிவிருத்தித் திட்டங்களின் கட்டுமானப் பணிகளை நிறைவு செய்வதற்காக 1,500 மில்லியன் ரூபாவை ஒதுக்க திட்டமிடப்பட்டுள்ளதாக சுகாதார மற்றும் சுதேச மருத்துவ அமைச்சர் டாக்டர் நளிந்த ஜயதிஸ்ஸ தெரிவித்தார்.
கண்டி தேசிய மருத்துவமனையில் நிறுத்தப்பட்டுள்ள பல அபிவிருத்தித் திட்டங்களின் கட்டுமானப் பணிகளை அண்மையில் ஆய்வு செய்தபோது அமைச்சர் இந்தக் கருத்துக்களைத் தெரிவித்தார்.
அதன்படி, கண்டி தேசிய மருத்துவமனையில் நோயாளிகளுக்காக கட்டப்படவுள்ள New Cancer Complex, Bone Marrow Transplant Unit, , விபத்து மற்றும் அவசர சிகிச்சை பிரிவு மற்றும் தனிமைப்படுத்தல் வார்டு வளாகம் ஆகியவற்றின் திட்டங்களை சுகாதார மற்றும் வெகுஜன ஊடக அமைச்சர் பார்வையிட்டார்.
மேலும், இந்த நாட்டின் சுகாதாரத் துறையில் பல்வேறு கட்டுமானத் திட்டங்கள் எந்தவொரு முறையான திட்டமும் இல்லாமல், பல்வேறு சொந்த நலன்களை அடிப்படையாகக் கொண்டு செயல்படுத்தப்பட்டுள்ளதாகவும், அவை தற்போது மருத்துவமனைக்கு நிதியடிப்படையில் பெரும் சுமையாக மாறிவிட்டதாகவும், இதுபோன்ற தன்னிச்சையான நடவடிக்கைகளைத் தொடங்குவது அரசாங்கத்திற்கும், சுகாதார சேவைக்கும், நாட்டிற்கும் பெரும் சுமையாக மாறியுள்ளது என்றும் அமைச்சர் கூறினார்.
இருப்பினும், திட்டங்கள் தொடங்கப்பட்டுள்ளதால், அவை விரைவில் முடிக்கப்பட வேண்டும் என்றும், எனவே, நடந்து வரும் கட்டுமானப் பணிகளை ஓரளவுக்கு முடிக்க தேவையான நிதியை உடனடியாக வழங்க நடவடிக்கை எடுக்கப்படும் என்றும் அமைச்சர் கூறினார்.
தேசிய மருத்துவமனைகளின் வளர்ச்சியில் வெளிநோயாளர் பிரிவுகள் மற்றும் மருத்துவமனைகளில் நெரிசல் தற்போது தாங்க முடியாத அளவில் இருப்பதாகவும், ஆரம்ப சுகாதார சேவைகளை மேம்படுத்துவன் மூலம் இந்த நிலையை கட்டுப்பாட்டுக்குள் கொண்டு வரமுடியும் அத்துடன்தேசிய மருத்துவமனைகளில் சிறப்புப் பிரிவுகளின் வசதிகளை அதிகரிக்கவும் ஒரு முறையான திட்டத்தைத் தயாரிக்க அரசாங்கம் திட்டமிட்டுள்ளதாகவும் அமைச்சர் தெரிவித்தார்.
மஹரகம மருத்துவமனைக்குப் பிறகு நாட்டில் கட்டப்படும் இரண்டாவது பெரிய புற்றுநோய் சிகிச்சை பிரிவு கண்டி பொது மருத்துவமனையின் புற்றுநோய் சிகிச்சை பிரிவு என்றும், புதிய ஒன்பது மாடிகள் கொண்ட புற்றுநோய் வார்டு வளாகத்தின் இரண்டாம் கட்ட கட்டுமானப் பணிகள் மேற்கொள்ளப்படும் என்றும், இந்த ஆண்டு ஒரு புற்றுநோய் மருத்துவமனை மற்றும் 2 வார்டுகள் திறந்து வைக்கப்படும் என்றும் சுகாதார மற்றும் வெகுஜன ஊடக அமைச்சர் தெரிவித்தார்.
ஆய்வைத் தொடர்ந்து, மருத்துவமனை இயக்குநர் தலைமையிலான மருத்துவமனை ஊழியர்களுடன் அமைச்சர் கலந்துரையாடலையும் நடத்தினார். 2,741 படுக்கைகள், 75 வார்டுகள் மற்றும் 52 கிளினிக்குகளைக் கொண்ட கண்டி தேசிய மருத்துவமனைக்கு தினமும் வருகை தரும் சுமார் 4,000 வெளிநோயாளிகளுக்குத் தேவையான சேவைகளை வழங்குவது குறித்து கலந்துரையாடல் நடைபெற்றது. மருத்துவமனையில் நெரிசலைக் குறைக்க வெளிநோயாளர் பிரிவு மற்றும் மருத்துவமனைகளின் இருப்பிடம் குறித்து தீவிரமாக ஆராயப்பட்டது. இருதய அறுவை சிகிச்சைகளுக்கான காத்திருப்போர் பட்டியல் அதிகரிப்பு, மருத்துவமனையில் போக்குவரத்து நெரிசலைக் குறைக்க வாகன நிறுத்துமிடத்தின் தேவை, சட்டவிரோதமாக ஆக்கிரமிக்கப்பட்டுள்ள மருத்துவமனை நிலங்களை கையகப்படுத்த நடவடிக்கை எடுத்தல், நிபுணர்கள், மருத்துவர்கள் மற்றும் செவிலியர்கள் உள்ளிட்ட பணியாளர்கள் பற்றாக்குறை போன்ற பிரச்சினைகள் குறித்தும் இங்கு விவாதிக்கப்பட்டது. இந்தப் பிரச்சினைகள் அனைத்தையும் முறையாகத் தீர்க்க ஒரு முறையான திட்டத்தை உடனடியாகத் தயாரிக்குமாறு அமைச்சர் அதிகாரிகளுக்கு அறிவுறுத்தினார்.
சுகாதார மற்றும் ஊடகத்துறை பிரதி அமைச்சர் டாக்டர் ஹன்சக விஜேமுனி, மத்திய மாகாண சுகாதார சேவைகள் பணிப்பாளர் டாக்டர் நிஹால் வீரசூரிய, சுகாதார அமைச்சின் சுகாதார சேவைகள் துணை பணிப்பாளர் நாயகம் மற்றும் பேராதனை மருத்துவமனையின் பணிப்பாளர் எச்.எம். அர்ஜுன திலகரத்ன, கேகாலை மருத்துவமனையின் பணிப்பாளர் மற்றும் கண்டி தேசிய மருத்துவமனையின் பதில் பணிப்பாளர் நிபுணர் டாக்டர் சந்தன விஜேசிங்க மற்றும் கண்டி மருத்துவமனையின் நிபுணர்கள், மருத்துவர்கள், செவிலியர்கள் மற்றும் பலர் உட்பட சுகாதார ஊழியர்கள் இந்நிகழ்வில் கலந்து கொண்டனர்.
