කොළඹ මහල් නිවාසයකින් සැකසහිත රන් පැහැ අවියක් සොයා ගත බව වැල්ලවත්ත පොලිසිය පවසයි.
කොළඹ හැව්ලොක් සිටි නිවාස සංකීර්ණයේ මහල් නිවාසයකින් T56 ප්‍රහාරක රයිෆලයක් යැයි විශ්වාස කරන සැක සහිත අවියක් සොයාගෙන ඇත.
67 හැවිරිදි කාන්තාවක් තම මෝටර් රථයේ ගිනිඅවියක් සහිත බෑගයක් තබනු දුටු ආරක්ෂක නිලධාරියකුගෙන් ලැබුණු තොරතුරක් මත මෙම අවිය සොයාගත් බව පොලිසිය පැවසීය.
වැල්ලවත්ත පොලිසිය එම පරිශ්‍රය පරීක්ෂා කළ අතර වාහනයේ පිටුපස අසුනේ තිබූ බෑගයක් තුළ රන් පැහැති අවිය සොයාගන්නා ලදී.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග පැවසුවේ, මෙම අවිය සත්‍යද යන්න තීරණය කිරීම සඳහා පරීක්ෂණ දිගටම කරගෙන යන බවයි.
