අධිකරණ, විධායක, ව්ව්‍යවස්ථාදායක බලය එක්ව ඇති කිහිපදෙනෙකුගේ සහ අලි සබ්‍රි අධිකරණ ඇමතිගේ සිංහල විරෝධී අන්තවාදය නිසා සිංහලෙන් නීති අධ්‍යාපනය, සහ විභාග ලිවීම අහිමි කිරීමෙන් ජනතාව වැටෙන්නේ කබලෙන් ලිපටය. බෙදුම්වාදයට රුකුල් දීමකි. මේ ලිපිය ඒ සම්බන්ධයෙන් පැහැදිලි කිරීමට ය. උතුරේ පැවති බෙදුම්වාදී යුද්ධය ජයගන්නා තෙක් සිංහලෙන් නීති අධ්‍යාපනය ලැබීමේ සහ නීති විභාගවලට පෙනීසිටීමේ අයිතිය ශ්‍රී ලංකා නීති විද්‍යාලයේ තිබුණි. ඒ අයිතිය ලබා දුන්නේ සිරිමාවෝ බණ්ඩාරනායක මැතිණියගේ 1970 ආණ්ඩුවයි. 1972 ජනරජ ව්‍යවස්ථාව පැනවීමත් සමග අධිකරණ භාෂාවෙන් නීති අධ්‍යාපනය ලබා දීම නෛතික අවශ්‍යතාවයක් විය. උතුරේ පැවති බෙදුම්වාදී යුද්ධය 2009දී ජයගැනීමත් සමගම සරත් නන්ද සිල්වා අගවිනිසුරුවරයා සිය සිංහල විරෝධී තීරණ ක්‍රියාත්මක කරමින් සිංහලෙන් නීති අධ්‍යාපනය ලබා ගැනීමේ අයිතිය අහිමි කළේය.ඒ නීති විද්‍යාලයේ එවකට පැවැති රැස්වීමකදී එකී සිංහලෙන් නීති අධ්‍යාපන අයිතිය ලබා දුන් ගරු සිරිමා බණ්ඩාරනායක මැතිණියට බැනවදිමින් ය. ඔහුගේ අරමුණ වූයේ නීති විභාග පවා සිංහලෙන් ලිවීම අහෝසි කිරීමය. එසේ වුවත් ශිරානි බණ්ඩාරනායක අගවිනිසුරුවරිය නීති විභාග සිංහලෙන් පැවැත්වීමේ අයිතිය රැක දුන්නේය. එසේ තිබියදී සරත් සිල්වා මෙන්ම නීතිපති දෙපාර්තමේන්තුවෙන් අගවිනිසුරු පුටුවට පැමිණි ජයන්ත ජයසූරිය අගවිනිසුරුවරයා එවකට (2020) අධිකරණ ඇමති අලි සබ්‍රිගේ සිංහල විරෝධී මතය සමග එක්වී සහ සිංහල විරෝධී තවත් ඉංග්‍රීසි අන්තවාදීන් කිහිප දෙනෙකු සමග එක්වී ශ්‍රී ලංකා නීති විද්‍යාලයේ සිංහලෙන් සහ දෙමළෙන් නීති අධ්‍යාපනය සහ නීති විභාග පැවැත්වීම තහනම් කිරීමට 2020.12.30 අංක 2208/13 අතිවිශෙෂ ගැසට් පත්‍රය ප්‍රකාශයට පත් කළ අතර එසේම එකී ගැසට් පත්‍රයේ නීති විද්‍යාලයේ ප්‍රවේශ විභාගය ශ්‍රී ලංකා විභාග දෙපාර්තමේන්තුව මගින් පැවැත්විය යුතු වුවත් උපක්‍රමශීලීව එයද මගහැර නීති විද්‍යාලය මගින්ම එකී විභාගද පවත්වා ගත්තේය. ඒ සම්බන්ධයෙන් මේ වනවිට කෙසෙල්වත්ත පොලිස් ස්ථානයේ පැමිණිලි කිහිපයක්ම ඇත. සිංහලෙන් සහ දෙමළෙන් නීති අධ්‍යාපනය ලබා දීම තහනම් කළ අන්තවාදීන් සහ බෙදුම්වාදීන් සතුටු කරන 2020.12.30 අංක 2208/13 අතිවිශෙෂ ගැසට් පත්‍රය ප්‍රකාශ කළ පහත අයව පාර්ලිමේන්තු ගෙනවිත් ප්‍රශ්න කිරීමට පාර්ලිමේන්තුවේ 225ට නොහැකිය. ඒ අන් කිසිවක් නොව 225 අතර අධිකරණයේ නඩු කටයුතු ඇති අයද සිටීමය. එකී නඩුවලින් අවාසියක් වී තමන්ගේ ප්‍රජා අයිතිය අහෝසි වී මන්ත්‍රී ධූරය අහිමිවන බිය ඔවුන්ට ඇත. සිංහලෙන් නීති අධ්‍යාපනය සහ විභාග පැවැත්වීම නතර කළ 2020.12.30 අංක 2208/13 අතිවිශෙෂ ගැසට් පත්‍රය ප්‍රකාශ කළ සංස්ථාගත නීති අධ්‍යාපන සභාවේ සාමාජිකයන්….
1) ගරු ජයන්ත ජයසූරිය (අගවිනිසුරු, ජනාධිපති නීතීඥ)
2) ගරු ඩී. ද ලිවේරා (නීතිපති)
3) ගරු බී.පී. අලුවිහාරෙ (ජනාධිපති නීතීඥ)
4) ගරු කේ. සිසිර ආබෲ
5) එම්. එම්.පී. කේ.මායාදුන්නේ මහතා (ලේකම්,අධිකරණ අමාත්‍යාංශය)
6) සන්ජේ රාජරත්නම් මහතා (වැඩබලන සොලිසිටර් ජනරාල්, ජනාධිපති නීතීඥ)
7) ප්‍රශාන්ත ලාල් ද අල්විස් මහතා (ජනාධිපති නීතීඥ)
8) මහාචාර්ය වී. ටී. තමිල්මාරන්
9) ප්‍රියන්ත නවාන මහතා (ජනාධිපති නීතීඥ)
10) කේ. නවරත්න මහතා
11) කේ. ඉන්ද්‍රතිස්ස මහතා (ජනාධිපති නීතීඥ)
12) තිසත් විජේගුණවර්ධන මහතා (ජනාධිපති නීතීඥ)
13) ධම්මික දසනායක මහතා
14) Ms සාවිත්‍රි විජේසේකර Ms ඉන්දිරා සමරසිංහ (ජනාධිපති නීතීඥ, විදුහල්පති, ලේඛකාධිකාරී (සංස්ථාගත නීති අධ්‍යාපන සභාව පාර්ලිමේන්තුවට අධිකරණයේ නඩු පැවරී ඇති අයවම ජනතාව විසින් පත් කරගෙන ඇති නිසා ජනතාවගේ අයිතිවාසිකම් මේ ආකාරයට අධිකරණ ප්‍රධානීන්, අධිකරණ ඇමතිවරයා විසින් අහිමි කරන විට ජනතාව වැටෙන්නේ කබලෙන් ලිපටය. සිංහලෙන් නීති අධ්‍යාපනය, සහ විභාග ලිවීම අහිමි කරමින් බෙදුම්වාදයට රුකුල් දෙන සංස්ථාගත නීති අධ්‍යාපන සභාවේ ගැසට් පත්‍රය පරාජය කිරීමට පාර්ලිමේන්තු නොහැකි වීම ගැන ජනතාව කතිකාවක් ආරම්භ කිරීම අවශ්‍ය වේ. කියවන්න ඉංග්‍රීසියට මුවා වී නීති ශිෂ්‍යයන්ට නිවැරදිව නීතිය ඉගෙනීමට සංස්ථාගත නීති අධ්‍යාපන සභාව ඉඩ දෙන්නේ නෑ… සංස්ථාගත නීති අධ්‍යාපන සභාව ශ්‍රී ලංකා නීති විද්‍යාලයේදී ඉංග්‍රීසියෙන් නිවැරදිව නීතිය කියා දීමට පහසුකම් සළසා නැති බව පර්යේෂණාත්මකව සනාථ වෙයි… නීති ක්ෂේත්‍රයේ 94%ක් නොදන්නා දේ මෙන්න… (අධ්‍යාපන පර්යේෂණ දත්ත ඇසුරෙන්)
